cHiCkA MiNuTe!!!

               Kahapon ay tuluyan ng tinakasan ng sikat na young actor na si Patrick Garcia ang kanyang responsibilidad sa magiging anak nila ng ex-girlfriend nitong si Jennylyn Mercado.  Matagal na naman silang hiwalay ng young actress subalit umugong pa rin ang pagtututol ng mga fans dahil tila walang pakialam si Patrick para sa magiging baby nila.

               Ayon sa isang interview kahapon bago siya tuluyang lumipad ng Amerika, matagal na umanong binabalak ng binata na umalis subalit hinintay pa niyang matapos ang taping ng teleseryeng “Babangon Ako’t Dudurugin Kita”. Ipagpapatuloy umano ni Patrick ang kanyang pag-aaral ng directing sa University of New York. Wala naman umanong balak takbuhan ni Patrick ang responsibilidad niya sa pagiging ama. Nagkataon lang umano ang kanyang pag-alis sa napapalapit ng panganganak ni Jennylyn. Napag-usapan na rin naman nila ang sustento  para sa bata.

               Masaya naman si Jennylyn sa kabila ng mga pinagdadaanan nila ngayon ni Patrick. Excited na nga ang dalaga sa pagdating ng kanyang baby boy na hindi pa tiyak ang magiging pangalan. Sa mga nangyaring ito sa buhay ng dalaga, tiyak na maraming bagay ang kanyang natutunan.